Fréttir
Sérstakir varnargarðar komnir upp við brýrnar yfir Jökulsá á Fjöllum
garðarnir settir upp til að verja mannvirkin þurfi að veita flóði framhjá brúnum
Búið er að setja upp varnargarða við brýrnar yfir Jökulsá á Fjöllum við Grímsstaði og í Öxarfirði til að varna því að flóð sem færi utan við brýrnar nái að grafa undan akkerum hengibrúnna og stöplum þeirra.
Staðsetningu varnargarðanna og þar sem vegir verða rofnir komi til flóðs má sjá á kortunum sem fylgja þessari frétt.
Komi til flóðs sem verður stærra en þeir u.þ.b. 3000 m3/sek sem brýrnar ráða við verða vegirnir rofnir vestan megin í tilviki brúarinnar í Öxarfirði en beggja vegna ár í tilfelli brúarinnar á Hringveginu við Grímsstaði. Við þær aðstæður þarf að verja akkeri hengibrúnna að vestanverðu, þar sem vírarnir eru festir í jörð, og stöplana, fyrir því flóðvatni sem kæmi þá að mannvirkinu utanfrá þ.e.a.s. sem ekki er í hinum hefðbundna árfarvegi. Því hafa verið byggðir varnargarðar til að verja mannvirkin úr þeirri átt.
Tæki munu verða á staðnum eða nærri til að rjúfa vegina komi til goss og flóðs. En varnaraðgerðum er þá lokið við þessar brýr vegna ástandsins undir Bárðarbungu og Dyngjujökli. Engar ráðstafanir eru gerðar við brúna yfir Jökulsá á Fjöllum við Upptyppinga.
24. september, myndum bætt við frá Jarðvísindastofnun Háskóla Íslands.
Brúin yfir Jökulsá á Fjöllum við Grímsstaði:
Brúin yfir Jökulsá á Fjöllum í Öxarfirði:
